إيه أحسن عربية في حدود 150,000 جنيه مع مراعاة المواصفات التالية؟ (Value vs Money 2013/2014)
- زيرو- ثبات- اوتوماتيك- اعتمادية- Family Car- ملائمة للشوارع و البيئة المصرية- توكيل- قلت الاعطال- Options
إيه أحسن عربية في حدود 150,000 جنيه مع مراعاة المواصفات التالية؟ (Value vs Money 2013/2014)
- زيرو- ثبات- اوتوماتيك- اعتمادية- Family Car- ملائمة للشوارع و البيئة المصرية- توكيل- قلت الاعطال- Options
سوبارو امبريزا
1-بيجو 301
2- كيا ريو
شوف رينو داستر بس هى مانيوال واوبشنز قليلة شويه بس عربية اعتماديه
كيا ريو
النترا كوبيه
بس نقطة الفاميلي بس هي الي ممكن نختلف عليها
انا هديك العربيات اللي شايفها كويسة
1 - بيجو 301 اعلى فئة ب 140 الف
2 - سوبارو امبريزا
3- هيونداي النترا
4-كيا سيراتو
5- كيا ريو
دول كلهم الاوتوماتك اللي شايفهم كويسين لحضرتك
بيجو 301 هاي لاين
سيراتو
النترا
بيجو ٣٠١
لانسر شارك أو سوبارو امبريزا...
دول هيتفوقوا بالذات بالذات في نقط الثبات والاعتمادية وقلة الاعطال والملاءمة للشوارع بتاعتنا بسبب عفشتهم القوية جدا سواء multilink في الشارك او double-wishbone في الامبريزا...
لانسر شارك أو سوبارو امبريزا...
دول هيتفوقوا بالذات بالذات في نقط الثبات والاعتمادية والوسع وقلة الاعطال والملاءمة للشوارع بتاعتنا بسبب عفشتهم القوية جدا سواء multilink في الشارك او double-wishbone في الامبريزا...
فلونس اول فئه اتوماتيك بحوالى 150 الف
توكيل محترم جدا
ثبات و عفشه مناسبه لطرق مصر
عائليه اوسع عربيه فى الفئه بتاعتها
فيها اوبشن و امان كويس اوى
الكمال لله يا باشا
طلبك مش موجود بنسبه 100%
وان كانت الأعضاء رشحتلك اقرب حاجات من طلبك
بيجو 301 هاي لاين
1- فيات لينيا كاملة الأوصاف ب 150 ألف، بس غير منتشرة و احيانا ده ميزة مش عيب
2- لانسر شارك الفئة الثانبة 146 و الفئة الثالثة 154 الف بس غير موجودين الآن
3- رينو فلوانس الفئة الأولى اوتو 155 واسعة جدا و شيك بس بها شوية حاجات مسترخصين فيها شوية فى التقفيل
4- بيجو 301 الهاى لاين بس ضيقة شوية
عيب الامبريزا القااااتل هو عدم انتشارها مش قلة انتشارها... انا تقريبا مبشوفهاش خااالص... ده غير ان تقريبا مفيش حد برة التوكيل بيشتغل فيها وممكن الوكيل يقعدك جنبه بقى عقبال ما يجيبلك قطعة غيار من اليابان... هي دي المشكلة!!!
انما نظام دفعها الرباعي يخليها احسن من الشارك ومن اي حاجة تانية في الفئة دي... بس انا شخصيا اخترت الشارك لانها رهيبة برضه على الطريق وما اعتقدش ان الفرق لصالح الامبريزا هيكون كاسح لان الشارك معايا ما شاء الله ثباتها -بالنسبة لاحساسي الشخصي بعد التجارب- لا يقل عن الالماني بشيء محسوس... بي نفس الوقت شكلها ممتاز وممكن تعديله فيما بعد وقلبه لايفولوشن مثلا... وواسعة جدا وشيك من جوه رغم عدم تعقيد تصميم الصالون... وب167000 قدرت اجيب اعلى حاجة اللي فيها وسائل امان وملتي فنكشن وابانوس واسبويلر وفتحة سقف وبصمة وسمارت كي وساوند سيستم الخ الخ... وده بالنسبة لي حلو جدا على السعر ده وعلى الثبات اللي باخده من العربية على الطرق السريعة...
يعيبها بس عزلها وشنطتها الضيقة!!! بس انا لازلت شايفها افضل صفقة مع الاسعار الغبية للعربيات التانية واللي خلت الريو ب150000 وحتى التيدا نازلة ب165000... ده على سبيل المثال!!
كلام سليم. وهي دي الخلاصة. إحنا كان معانا سوبارو 2010 خسرنا فيها 80000 والتوكيل زبالة وقطع الغيار نار. ألبي أم أرخص مثلا الزجاج الأمامي 4000 المرايا. 2000 ومفيش أي حد بيئيه حجتها برة التوكيل. واوعك تسمع كلام أي حد يقولك حتي بص علها. وأنا حتي الآن زعالان علشان الخسارة والله حرام. دانا لو كان معايا بي أم مكنتش عملت كدا. بس الحمد لله
السوبارو عربية ممتازة و لكنها ليست إعتمادية كالتويوتا او الهوندا و أنقل خبرة حمايا الله يرحمه و أحد أصدقائى عنها. فأما صديقى فقد كان زميلى بالولايات المتخدة فى التسعينات و عندما حدث عطل موتور بها داخ السبع دوخات و لم يستطيع احد إصلاحها فى الولاية التى كنا بها، و سمعت انها معقدة جدا من الناحية الكهربية، و فى الآخر باعها بعطلها و خلص.
أما حمايا فأشتراها فى أواخر التسعينات و كان مشواره لا يزيد عن 200 كم فى الشهر و العربية ممتازة و شيك و لكن عند حدوث الأعطال عينك ما تشوف إلا النور بور سعيد ووكالة البلخ و دوخة على قطع الغيار و فى الآخر باعها ب 18 ألف جنيه عام 2005 تقريبا و هى عاملة 30 ألف كم
غالبا دلوقت الوضع اتصلخ و العربية شيك جدا و إمكانيات و يقال إنها سيارة الطبقة الراقية فى اليابان، يعنى ليحاسى مثلا عربية تعقيد خرافة.
عموما ممكن برضه الأخ اللى بيدور يشوف مازدا 3 تحفة بصراحة خاصة الفئة ب 185 ألف، اعتقد اول فئة ب 160 الف
يص على التيوتا كرولا 2013 الشكل القديم اول فئه ب 155 الف عند سمير ريان
:36_2_55[1]:كرولا
مازدا 3 2013 ب 150 الف
كيا ريو هي لاين العربية دي جميلة جدا وابشنز تحفة يسلام بقا لو خليجي ربنا يوفقك للخير ومتنساش صلاة الاستخارة
المازدا مشكلتها إن العفشه تعبانة ...
فكر في الفلوانس.. انا شايف محدش اشتراها و ندم ما شاء الله
راي
كورولا ثم الرينو ثم اخر حل الريو
والله اعلم ..
الفلوينس والمزدا 3 أحسن إختيارات فى رأيي وإن كانت كنبة المازدا الخلفية ضيقة أوى بي عربية حلوة برضو
رينو فلوانس 2014 فيس ليفت اول فئه اوتوماتيك ب 155 الف بتجمع المعادله الصعبه الى حضرتك عايزها ولو عايز اوبشن زياده تانى فئه اوتوماتيك ب 170 الف و لو مفيش امكانيه تزود يا تخليك فى اول فئه فلوانس يا بيجو 301 هايلاين ب 136 الف بس الفلوانس اعلى و اكبر و افخم و اثبت و اشيك و اوبشنز اكثر من ال 301
الى هى اساسا تخفه و best value for money
يعني أنا بتكلم علي المدي الطويل يعني في نص العمر الإفتراضي ....
يعني بعد خمس سنين أستعمال أو ١٠٠٠٠٠ كيلو ...في الحالتين دول أنا شفت كذا عربيه مفحوتين وبالذات العفشة من أدام ...وبرضه دة مقارنة بباقي الياباني سيفك ، كورولا ، لانسر ...
المازدا 3 الشكل الجديد بقالها معايا 3 سنين و عامله 70 الف و بسمالله ماشاء الله ثبات ايه
و بصراحه اجمد حاجه فيها عفشتها
كان معايا كورولا 2004 الاول بصراحه مفيش مقارنة في العفشة المازدا تكسب طبعا
العيب ان كنبيها الى ورا ضيقه شوية
وبالنسلة لقطع الغيار موجوده و مش غالية يعنى اسعارها معقوله بالنسبة للاسعار الى بنسمعها دلوقتى يعنى تيل الفرامل ب 500 و في كا نوع من اول 75 جنيه لغاية 340
ثانيا قطع الغيار متوفرة انا مثلا من المنصورة والحمدلله كل حاجه بلاقيها عادي جدا
الكلام بتاع قطع الغيار و الغلو بتاعها ده كان زمان و هي سمعه و لزقت و الشعب المصري كله بغبغنات بيردد و خلاص من غير ما يجرب
المفروض إن أي عربية بتبان بعد إل 100 ألف ...
أنا اتنين صحابي واحد في مصر واحد هنا في كندا ...
اللي في كندا طلعت عينه تصليح في العفشة وحتي التوكيل معملهاش كويس وكانت مكلفه ...
وأنا كنت هشتري واحده ماشية 117 كشفت عليها في التوكيل قلولي سيبك منها لأن "العربيات دي عفشتها رياضيه وتصليحها معقد "
المازدا 3 كسواقة في الياباني كانت عامله زي البي إم بالنسبة للألماني ...لاكن المتانه وقدرت أتلحمل هي المشكلة علي حاد علمي بناء علي تجربة مش كلام بغبانات ...
لو اللي بتنزل مصر حاليا مفيهاش شكوى من العفشه ممكن يكون زبتوها أو نازله مواصفات للطرق المصريه الجبليه وساعتها تبقي حلوة لأنها كسواقة أنضف من الكورولا والسفك والسعر إحسن منهم كمان ...
لو عايز عربية عائلية شوف بيجو 301 او لانسر شارك